حصہ
حِصَّہ {حِص + صَہ} (عربی)
ح ص ص، حِصَّہ
عربی زبان میں ثلاثی مجرد کے باب سے اسم مشتق ہے۔ اردو میں عربی سے ماخوذ ہے اور بطور اسم مستعمل ہے۔ 1503ء کو "لازم المبتدی" میں مستعمل ملتا ہے۔
اسم نکرہ (مذکر - واحد)
واحد غیر ندائی: حِصّے {حِص + صے}
جمع: حِصّے {حِص + صے}
جمع غیر ندائی: حِصّوں {حِص + صوں (و مجہول)}
فہرست |
[ترمیم] معانی
1. (کسی ایک شے یا مجموعۂ اشیاء کا) ٹکڑا، جزو، نیز جو تقسیم کے بعد حاصل ہو، بخرہ، پارہ، حصۂ رسد۔
"ہم اس کے کرائے کا حصہ ادا کریں گے"۔، [1]
2. کسی تقریب میں بانٹی جانے والی شرینی یا کھانا۔
"سقول میں ایک شادی ہوئی تو پوری برادری کو دہرا کھانا کھلایا گیا اور بہنگیوں میں گھر گھر حصے بھیجے گئے"۔، [2]
3. بہرہ، نصیب، قسمت، حق۔
؎ غیر خواہاں ہو ترے وصل کا اے یار تو کیا
حصۂ خضر جو ہے بختِ سکندر میں نہیں، [3]
4. کاروباری ادارے کے سرمائے کا جزو (جسکو حق ملکیت کے حاصل کرنے کے لیے خریدا یا اس سے دستبردار ہونے کے لیے بیچا جا سکے)۔
"عام بنکوں کی طرح عالمی بنک کا بھی سرمایہ مقرر ہے اور ہر ممبر ملک کو اس سرمائے کے حصے خریدنے پڑتے ہیں"۔، [4]
5. دخل، شرکت، شمولیت، (کسی کام کی انجام دہی یا تکمیل میں)۔
"اور اس کے بنانے میں زیادہ ترحصہ خود اہل ملک یعنی ہندوؤں کا تھا"۔، [5]
6. قسم، نوع، گروہ۔
"دنیا کے حیوان دوبڑے حصوں میں تقسیم ہیں صلبی اور غیر صلبی"۔، [6]
7. (فوج کا)دستہ، ٹکڑی۔
"اس اثنا میں روسیوں نے ایک حصہ فوج کو سامنے کی ڈھالو پہاڑی بھیج دیا"۔، [7]
8. کسی کے ساتھ کسی کام کے مخصوص ہونے کا عمل، اختصاص، امتیاز، حق۔
؎ ناجی ہے وہ اس نام کو لے گا جو دین سے
یہ حسن میں دس حصہ زیادہ ہے حسن سے، [8]
9. حساب کتاب، حد، شمار۔
"اس کے احسانات جو ملک اور قوم پر ہیں، وہ حصہ اور شمار کے اندازہ سے باہر ہیں"۔، [9]
10. نوبت، باری۔
؎ طفلی و جوانی اون کے غم میں گزری
اب بھائی کے داغ اوٹھانے کا قصا ہے، [10]
11. معاوضہ، محنتانۂ اجرت۔
"جناب میں نے کام ہی کون سا کیا جس کا حصہ مانگوں"۔، [11]
12. جزو کتاب، باب، فصل۔
"سلیم احمد مرحوم کا مذکورہ مضمون ان کی غیر مکمل تصنیف بابائے جدیدیت کا ابتدائ حصہ تھا"۔، [12]
13. درجہ، مرتبہ۔
"اگر نانی ہووے تو دادی بہتر ہے بہنوں سے اس واسطے کہ دادی بھی حصہ ماں کا رکھتی ہے"۔، [13]
14. مکان، تعمیر یا کسی رقبے کا ضلع یا گوشہ، مکانیت کا جزو۔
"چھتہ سے ملا ہوا ہی میر صاحب کا مکان تھا مردانہ کا کوئی حصہ نہ تھا پھر بھی ڈیوڑھی سےکام نکال لیا جاتا تھا"۔، [14]
15. علاقہ۔
"وادی کا شمالی حصہ ہجراں کہلاتا ہے"۔، [15]
16. پہر۔
"اول حصہ رات کا گزر گیا پھر اوس کو غار کی طرف لے آیا"۔، [16]
[ترمیم] انگریزی ترجمہ
part, portion, lot, share, division; dividend; class; compartment
[ترمیم] مترادفات
بَٹْوارا، رول، بَخْش، پارَہ، جُزْو، آرْٹِیکَل، رَسَد، بانْٹ، ٹُکْڑا، شُعْبَہ، بھاجی، ڈَوِیژَن، بَخْرَہ، بَخْت، بانْٹ، پارَہ، چَنْدا، دَرْجَہ، جُز،
[ترمیم] مرکبات
حِصَّہ بَخْرا، حِصَّہ دار، حِصَّہ رَسَدی، حِصَّۂِ اَوسَط، حِصَّۂِ مَحْصُول
[ترمیم] حوالہ جات
- ↑ ( 1965ء، خلافت بنو امیہ، 131:1 )
- ↑ ( 1962ء، ساقی، کراچی، جولائی، 41 )
- ↑ ( 1846ء، آتش، کلیات، 106 )
- ↑ ( 1952ء، امن کے منصوبے، 59 )
- ↑ ( 1936ء، خطبات عبدالحق، 75 )
- ↑ ( 1932ء، عالم حیوانی، 34 )
- ↑ ( 1880ء، فسانۂ آزاد، 187:3 )
- ↑ ( 1874ء، انیس، مراثی، 8:2 )
- ↑ ( 1899ء، مقالات حالی، 52:2 )
- ↑ ( 1879ء، سالک (قربان علی لیگ)کلیات، 377 )
- ↑ ( 1910ء، انقلاب لکھنؤ، 100:2 )
- ↑ ( 1986ء، جنگ، کراچی، 24، اپریل، 111 )
- ↑ ( 1867ء، نورالہدایہ، 88:2 )
- ↑ ( 1930ء مضامینِ فرحت، 106:2 )
- ↑ ( 1973ء، اردو دائرہ معارف اسلامیہ، 409:8 )
- ↑ ( 1888ء، تثنیف الاسماع، 155 )
