حقیقت

حَقِیقَت {حَقی + قَت} (عربی)

ح ق ق، حَقِیقَت

عربی زبان میں ثلاثی مجرد کے باب سے مشتق اسم ہے۔ اردو میں عربی سے ماخوذ ہے اور بطور اسم مستعمل ہے۔ 1707ء کو "ولی کے کلیات" میں مستعمل ملتا ہے۔

اسم نکرہ (مذکر - واحد)

جمع: حَقِیقَتیں {حَقی + قَتیں (ی مجہول)}

جمع غیر ندائی: حَقِیقَتوں {حَقی + قَتوں ( واؤ مجہول)}

معانی

1. اصلیت، ماہیت، اصل روح، صحیح، اہمیت۔ ؎ جسے حقیقت لا کا نصیب ہو عرفاں

بہ عسر و یسر بگویدسپاس و شکر نعم،

2. حالت، کیفیت، چگونگی۔

"اگر تم گل آرابیگم کے مرنے کی حقیقت کہہ دو گی تو ہرج کیا ہے"۔،

3. بساط، حیثیت۔

؎ علم کیا علم کی حقیقت کیا

جیسی جس کے گمان میں آئی،

4. صداقت، حقانیت، سچائی، سچ، حق پر مبنی ہونا (جھوٹ یا باطل کے مقابلے میں)۔

"میری رائے میں یہ طریق علاج کے ایک حقیقت ہے"۔،

5. { تصوف } ہر سے کا باطن (مقابل مجاز یعنی ہر شے کا ظاہر)۔

"حقیقت و مجاز کے اتحاد نے غزل میں ایک خاص حلاوت و مالاحت پیدا کر کے اس کے خط و خال کو قصیدے سے بالکل ممیز کر دیا"۔

{ تصوف } نفس الامر، جو کچھ نظر آئے اس کے وجود کا واقعی ہونا (مقابل دھوکا، قریب نظر)۔

؎ کیا رہا تجھ سے الگ ہو کے مرا ظرف وجود

اب تو اپنی حقیقت سے ہے انکار مجھے

6. { تصوف } مدارج عرفان کی تیسری منزل (بعد از شریعت و طریقت) جس کا آخری درجہ فنافی اللہ کے بعد بقاباللہ کا ہوتا ہے۔

؎ طریقت میں حقیقت میں ولایت میں کرامت میں

کسی نے مرتبہ اب تک نہ پایا غوث اعظم کا،

7. { فلسفہ } اصلیت، ماہیت ، اصل روح، صحیح، اہمیت۔

"اسی زمانے میں نامنل ازم اسمیت اور ریلزم حقیقت کے تنازع نے بڑا کام کیا"۔،

انگریزی ترجمہ

right, just pretension, claim, title; ownership; property; a holding, tenure, share

مترادفات

ماہِیَّت، حال، صَداقَت، اَصْل، جَڑ، سَچَّائی،

مرکبات

حَقِیقَتُ الْاَمْر، حَقِیقَتُ الْحَقائِق، حَقِیقَتُ الْحَقِیقَت، حَقِیقَتِ اِنْسانی، حَقِیقَتِ آگاہ، حَقِیقَت بِینی، حَقِیقَت بِیں، حَقِیقَت پَسَنْد، حَقِیقَت پَسَنْدانَہ، حَقِیقَتِ جَمْع، حَقِیقَتِ حال، حَقِیقَت دار، حَقِیقَت شَناس، حَقِیقَت شَناسی، حَقِیقَت شَنَوا، حَقِیقَتِ عَبْد، حَقِیقَتِ کُبْریٰ، حَقِیقَتِ مُطْلَق، حَقِیقَت میں، حَقِیقَت نامَہ، حَقِیقَتِ نَفْسُ الْاَمْری، حَقِیقَت نِگاری، حَقِیقَت نِگَر، حَقِیقَت نِیوش

مزید دیکھیں

• درحقیقت
• مجہول الحقیقت
• غیرحقیقت
• شجرۂ حقیقت
• شخص حقیقت دار
• فی الحقیقت
• حقیقت ادنی
• حقیقت الامر
• حقیقت الحقائق
• حقیقت الحقیقت
• حقیقت انسانی

---

فارسی

اسم

حقیقت (جمع: حقایق)

1. حقیقت