آنکھ مچولی

آنْکھ مِچَولی {آنْکھ (ن غنہ) + مِچَو (و لین) + لی}

سنسکرت زبان سے ماخوذ اسم آنکھ کے ساتھ سنسکرت زبان سے ماخوذ اسم مچولی ملانے سے مرکب بنا۔ اردو میں بطور اسم مستعمل ہے۔ 1861ء میں واجد علی شاہ کے "کلیات اختر" میں مستعمل ملتا ہے۔

اسم نکرہ (مؤنث - واحد)

معانی

بچوں کا ایک کھیل (جسمیں ایک بچے کی آنکھیں بند کر کے یا بند کروا کے سب بچے چھپ جاتے ہیں۔ پھر وہ آنکھیں کھول کے ساتھیوں کو ڈھونڈتا پھرتا ہے اور جسے پا کر چھو لیتا ہے وہ اس کی جگہ چور بن جاتا ہے)۔

"مصنف اور تبصرہ نگار کے درمیاں آنکھ مچولی شروع ہوئی۔" [1]

متغیّرات

آنْکھ مِچَوَّل {آنْکھ (ن مغنونہ) + مِچَوْ + وَل}

رومن

Aankh micholi

تراجم

انگریزی : Blind man’s buff; be-peep; hide and seek

حوالہ جات

    1   ^ ( مقالات ماجد، 1944ء، 304 )