آنکھ کی ٹھنڈک

آنْکھ کی ٹھَنْڈَک {آنْکھ (ن مغنونہ) + کی + ٹھَن + ڈَک} (سنسکرت)

سنسکرت زبان سے ماخوذ اسم آنکھ کے ساتھ کی بطور اردو حرف اضافت لگانے کے بعد سنسکرت زبان سے ماخوذ اسم ٹھنڈک ملانے سے مرکب بنا۔ اردو میں بطور اسم مستعمل ہے۔ 1865ء میں "مذاق العارفین" میں مستعمل ملتا ہے۔

اسم نکرہ (مؤنث - واحد)

جمع: آنْکھوں کی ٹھَنْڈَک {آں + کھوں (و مجہول) +کی + ٹھَن + ڈَک}

معانی

دلی پسندیدگی اور خوشی، دل کا سکون، آنکھوں کا نور بڑھنے کی سی کیفیت۔

"میری آنکھ کی ٹھنڈک تو نماز ہی میں ہے۔" [1]

2. پیارا عزیز، محبوب، لاڈلا، اولاد و ذریات۔

"یہ میری اور تمھاری دونوں کی آنکھوں کی ٹھنڈک ہے۔" [2]

حوالہ جات

   1    ^ ( الحقوق و الفرائض، 1906ء، 90:3 )
   2    ^ ( ترجمہ القرآن، نذیر، 1902ء، 618 )