آفتابہ

آفْتابَہ {آف + تا + بَہ} (فارسی)

یہ اصلاً فارسی زبان کا لفظ ہے اور بطور اسم جامد مستعمل ہے۔ اردو زبان میں اپنی اصلی حالت اور اصلی معنی میں ہی مستعمل ہے۔ سب سے پہلے 1665ء میں "تتمہ پھول بن" میں مستعمل ملتا ہے۔

اسم نکرہ (مذکر - واحد)

واحد غیر ندائی: آفْتابے {آف + تا + بے}

جمع: آفْتابے {آف + تا+ بے}

جمع غیر ندائی: آفْتابوں {آف + تا + بوں (و مجہول)}

معانی

ایک وضع کا لوٹا جس کے پیچھے گرفت کے واسطے ہتھی لگی ہوتی ہے اور منہ پر سرپوش ہوتا ہے (اسے عموماً منہ ہاتھ دھونے یا دھلانے کے کام میں لاتے ہیں)، لوٹا۔

"قسم قسم کے کھانے نکال کر چنے اور گنگا جمنی چلمچی آفتابہ سے ہاتھ دھلوا کر عرض کی کہ پیرو مرشد کچھ نوش کریں۔" [1]

متغیّرات

آفْتاوا {آف + تا + وا}

مترادفات

اِبْرِیق لوٹا اِبْرِیق

رومن

Aaftabah

تراجم

انگریزی : A small vessel for holding water; an ewer

حوالہ جات

     1  ^ ( 1801ء، آرائش محفل، حیدری، 13 )