ٹوکرا

ٹوکْرا {ٹوک (واؤ مجہول) + را} (سنسکرت)

ستوک + ر + کہ، ٹوکْرا

سنسکرت کے اصل لفظ ستوک + ر + کہ سے ماخوذ اردو زبان میں ٹوکرا مستعمل ہے۔ اردو میں اصل معنی میں ہی بطور اسم مستعمل ہے۔ 1621ء میں "خالق باری" میں مستعمل ملتا ہے۔

اسم نکرہ (مذکر - واحد)

واحد غیر ندائی: ٹوکْرے {ٹوک (واؤ مجہول) + رے}

جمع: ٹوکْرے {ٹوک (واؤ مجہول) + رے}

جمع غیر ندائی: ٹوکْروں {ٹوک (واؤ مجہول) + روں (واؤ مجہول)}

معانی

1. بانس یا جھاؤ وغیرہ کا بنایا ہوا ظرف، جھابا، جھلی، جھلا، چھبڑا، ڈلا، سبد۔

"اس کے تنے سے ٹوکرے اور چلمن بنائی جاتی۔"،

2. ایک قسم کی چھوٹی سی کشتی، ڈونگا، بجرا۔

"دریاؤں کے پار اترنے میں ٹوکرے کشتیوں سے زیادہ بے خطر ہوتے ہیں۔"،

3. { کنایۃ } بوجھ جیسے ذلت کا ٹوکرا یا بطور طنز عزت یا علمیت وغیرہ کا ٹوکرا۔

؎ کیوں عبث پھرتا ہے ہم رندوں کے سر پر رات دن

ٹوکرا بدنامیوں کا آسماں ہو جائے گا،

4. پچیسی کی ہار یا ہاری ہوئی بازی۔ (جامع اللغات؛ پلیٹس)

انگریزی ترجمہ

a large basket (without a lid); a wicker ferry-boat covered and sewn over with leather; a coracle; a lost game

مترادفات

چھابا، چھَبْڑا، ڈَلا